Legjenda e Formula 1 Michael Schumacher pas aksidentit që pati me ski para katër vitesh ku pësoi një lëndim të rëndë në kokë, po vazhdon të qëndrojë në koma por informacionet për të janë fare të pakta e sidomos kohët e fundit.
Ka pasur informacione se ai do të transportohet për në SHBA për t’u trajtuar nga specialistët në Teksas në vilën e tij. Që nga aksidenti më 29 dhjetor të vitit 2013, kostoja e trajtimit të tij në shtëpi ka arritur rreth 20 milionë funte, shkruan Mirror, transmeton Gazeta Shneta.
Një medie në Gjermani u detyrua të paguaj 50 mijë euro dëmshpërblim familjes së Schumaher pasi publikoi një lajm të rrejshëm ku thuhet se ish-piloti është në gjendje të ecë.
Schumacher, shtatë herë kampion në Formula 1, ishte në pushime me familjen dhe miqtë e tij në alpet franceze kur u aksidentua me ski dhe pësoi disa lëndime në kokë. Ai u transferua menjëherë në Spitalin Grenoble ku pati dy intervenime neurokirurgjike që ia shpëtuan jetën.
Pas kësaj ka pasur pak njoftime për gjendjen e tij. Në prill të vitit 2014 është konfirmuar se ai nuk është më në koma si dhe ishte transferuar fillimisht në spitalin e Luzanës në Zvicër ku më pastaj është dërguar në shtëpinë e tij në Liqenin e Gjenevës. /Gazeta Shneta/