Ta lejosh fëmijën të flejë në lëvizje, pra në karrocë apo makinë është e gabuar. Fëmija në këtë rast nuk fle mirë dhe për pasojë do të bëjë një gjumë të shqetësuar.
Përse është e gabuar?
Shpesh vendosja në gjumë e fëmijës është tepër e vështirë, ai refuzon, qan dhe ulëret si një mënyrë protestimi. Në këto raste prindi, i dëshpëruar fillon të provojë ta bëjë të flejë me anën e lëvizjeve dhe në këto raste makina, karroca apo djepi duket se është zgjidhja më e mirë. Por e dini që është e gabuar? Kjo është e gabuar pasi fëmija nuk arrin gjumin e thellë, atë që e ndihmon vërtet të qetësohet dhe mjeku pediatër amerikan, Marc Weissbluth shprehet se ky gjumë mund të krahasohet me atë që prindërit bëjnë gjatë një udhëtimi me avion. Sipas tij vlen ky krahasim pasi lëvizjet do të bëjnë të mundur që njeriu të mos ketë një gjumë cilësor por të trazuar.
Nga ana tjetër fëmija mund të mësohet të flejë në lëvizje duke mos bërë dot ndryshe. Prindi do të përballet edhe me një tjetër vështirësi. Sipas Marc, lëvizja mund të përdoret vetëm për të qetësuar një fëmijë të shqetësuar, dhe më pas ai të mund të flejë edhe pa lëvizur. Në këtë mënyrë fëmija do të flejë më i qetë.
Kërkoni një gjumë të qetë të fëmijës tuaj? Evitoni përdorimin e pajisjeve elektronike nga ana e tyre si edhe respektoni rutinën me përpikmëri./pernenat