Gjatë ditës së djeshme nëna Naila Gori publikoi një video ku shihej edukatorja në kopshtin ‘Cambridge Kids’ duke e goditur të birin e saj me shuplakë pasi ai nuk dëshironte të ulej në karrocë.
Nëna Naila ka treguar si ka ndodhur rasti. Ajo thotë se tre javë më parë burri i kishte treguar se po dyshonte në sjelljet e edukatoreve për shkak se fëmija rezistonte të shkonte në kopsht. Në ditën kritike babai kishte shkuar ta merrte djali në kopsht dhe i kishte kërkuar menaxheres që të shikonte në kamera derisa edukatoret e bënin gati fëmijën, shkruan Gazeta Shneta.
“Ata e kanë kompjuterin ne hyrje, i cili është i menaxheres te kopshtit. Burri ka shku me marr fëmiun prej kopshtit, edhe i kanë thanë që janë duke e bërë gati. Ai ka lyp me pa në kamerë se qysh e bajnë gati edhe rasti ne video është rasti cilin e ka pa. Pra krejt ka ndodhur rastësisht” ka treguar nëna.
Ajo më tej ka thënë për portali.info se me rastin do të merret drejtësia. “Përveç që e kemi lajmëruar rastin në polici do të mirremi edhe më detajisht me këtë. Kemi angazhuar avokatin i cili do ta trajtoj këtë çështje” ka shtuar ajo.
Publikimi i videos ka shkaktuar zemërim tek prindërit për shkak të sjelljes së edukatores. Shumica e komentuesve kanë kërkuar mbylljen e kopshtit. Këta të fundit e kanë quajtur rast të izoluar dhe kanë thënë se nuk do të përsëritet më.
Me rastin po merret edhe Policia e Kosovës pasi është iniciuar rast i keqtrajtimit të fëmijës. /Gazeta Shneta/