Kryetari i Autoritetit Kosovarë të Konkurrencës Valon Prestreshi ka mbajtur sot një konferencë për media ku ka bërë të ditur se kanë monitoruar çmimet e laboratorëve për testimet serologjike dhe molekulare për Sars-Cov-2.
Prestreshi ka thënë se çmimet serologjike varijojnë nga 15 deri në 35 euro, ndërsa çmimi i testimeve molekulare varijonë nga 65 deri në 80 euro.
“Sipas analizave, çmimet e shërbimeve molekulare dhe serologjike janë në nivel të konkurrueshmërisë, të ndryshme në qytet dhe regjion. Qytetari është i informuar për çmimet dhe çmimet janë transparente dhe ka varietete. Qytetari ka mundësi që të bëjë përzgjedhjen sipas preferencave apo buxhetit familjar. Çmimet sociologjike varijojnë nga 15 euro deri më 35 euro, ndërsa për molekulare varijojnë 65 euro deri në 80 euro. Normalisht, në një ekonomi të tregut, caktimi i çmimit nga ndërmarrjet bazohet në kualitetin e shërbimit, koston e importit të produktit që kanë dhe në këtë mënyrë caktohet çmimi”, deklaroi Prestreshi. /Gazeta Shneta/