Hulumtimet kanë treguar se ngrënia e çokollatës së zezë , por jo asaj të qumështit, lidhet me një rrezik më të ulët për zhvillimin e diabetit të tipit 2.
Një studim që analizoi të dhënat e tre grupeve të ndryshme ka sugjeruar se ngrënia e çokollatës së errët mund të ulë rrezikun e diabetit të tipit 2, ndërsa çokollata e qumështit nuk ofron një mbrojtje të ngjashme. Ky hulumtim thekson rëndësinë e zgjedhjeve dietike për parandalimin e sëmundjeve, shkruan Medical News, transmeton Gazeta Shneta.
Në vitin 2022, 830 milionë njerëz në mbarë botën kishin diabet, dhe shumica e tyre vuajnë nga diabeti i tipit 2, ndaj studiuesit janë të interesuar veçanërisht për parandalimin e tij.
Një studim i botuar në The BMJ ka analizuar lidhjen mes konsumimit të çokollatës dhe rrezikut për diabetin e tipit 2. Ky studim ka bërë dallimin midis konsumimit të çokollatës së errët dhe asaj të qumështit.
Hulumtuesit zbuluan se pjesëmarrësit që konsumonin 5 ose më shumë porcione çokollatë të errët në javë kishin një rrezik 21% më të ulët për t’u prekur nga diabeti i tipit 2.
Kërkime të mëtejshme mund të konfirmojnë këtë gjetje dhe të mundësojnë kuptimin më të thellë të arsyet e këtyre vëzhgimeve./ Gazeta Shneta/