Rreth 80% e popullatës së rritur në Mbretërinë e Bashkuar ka marrë të paktën një dozë të vaksinës COVID.
Vaksinimi i plotë i të gjithë të rriturve do të marrë një shtytje të fundit të madhe kundër pandemisë. Që të jetë i suksesshëm i tërë procesi, zyrtarët e shëndetit publik duhet të jenë përgjegjës për shpërndarjen e vaksinave dhe të sigurojnë publikun të kenë mundësi të mjaftueshme të qasjës ndaj vaksinës dhe motivimi për ta marr atë, shkruan MedicalxPress përcjell Gazeta Shneta.
Për shembull, disa njerëz mund të mos kenë pasur informacion të mjaftueshëm për t’u bindur se vaksina është e sigurt.
Mundësia ka të bëjë me kushtet e nevojshme për të marrë vaksinën. Për shembull, dikush mund të mos ketë inkurajim ose mbështetje sociale nga familja dhe miqtë. Ose vaksina mund të mos jetë e disponueshme në rajonin e tyre, kështu që ata nuk kanë mundësi të imunizohen.
Motivimi ka të bëjë me dëshirën për të marr vaksinën. Për shembull, disa njerëz mund të mos besojnë se vaksina do t’i mbrojë ata nga COVID-19, ose ata mund të mos jenë në gjendje të kapërcejnë frikën e tyre nga gjilpërat.
Njerëzit ndryshojnë në aftësitë, mundësitë dhe motivimet e tyre, kështu që hapat për të rritur marrjen e vaksinimit duhet të synojnë barrierën e duhur.
Për shembull, nuk është e dobishme t’u thuash njerëzve për rezultatet pozitive të vaksinimit COVID-19 nëse vaksinimi nuk është i disponueshëm për ta.
Ekspertët e shëndetit publik duhet të adresojnë të gjitha këto pengesa për të siguruar që njerëzit mund të marrin vaksinën, në mënyrë që të gjithë të mbrohemi nga COVID-19 dhe të kthehemi në jetën normale. /Gazeta Shneta/