Do të ketë mjaftushëm doza të vaksinës COVID të prodhuara deri në fund të këtij viti për të mbuluar popullsinë globale, thanë të martën krerët e industrisë farmaceutike.
Ekziston një hendek në normat e vaksinimit midis vendeve të pasura dhe të varfra, por pragu prej 7.5 miliardë doza vaksine do të arrihet në shtator, tha Thomas Cueni, kreu i Federatës Ndërkombëtare të Prodhuesve dhe Shoqatave Farmaceutike (IFPMA) në një konferencë shtypi në Gjenevë, shkruan MedicalxPress përcjell Gazeta Shneta.
Deri në 70 përqind të të rriturve kanë marrë dy doza vaksine në vendet më të pasura, ndërsa në Afrikë kjo shifër është vetëm gjashtë përqind.
Prodhimi global i dozave të vaksinave të koronavirusit parashikohet të arrijë në 12 miliardë deri në fund të vitit 2021.
Kjo do të thotë që edhe nëse vendet e pasura duan të vaksinojnë të gjithë individët e moshës 12 vjeç e sipër, do të ketë të paktën 1.2 miliardë doza në dispozicion për rishpërndarje në vendet e varfra, tha Thomas Airfinity.
IFPMA tha se prodhimi i dozave të vaksinave do të arrinte në 24 miliardë deri në mes të vitit të ardhshëm – një shifër që do të ishte më e madhe se kërkesa globale. /Gazeta Shneta/