Një variant i ri SARS-CoV-2, i identifikuar si B.1.640.2, është zbuluar në të paktën 12 pacientë në Francën Jugore, sipas raporteve të fundit.
Një studim i ri i cili ende nuk i është nënshtruar rishikimit nga kolegët zbuloi se varianti ka 46 mutacione në krahasim me variantin origjinal. Të dhënat e deritanishme sugjerojnë se varianti mund të jetë me origjinë nga Kameruni dhe të përhapet përmes udhëtimit në Forcalquier, në rajonin Alpes-de-Haute-Provence, shkruan Medical News Today.
Studiuesit thonë se është shumë herët për të spekuluar për ashpërsinë ose transmetueshmërinë e variantit përcjell Gazeta Shneta.
Ekspertët, si Prof. Francois Balloux, kanë thënë se varianti nuk shpjegon rritjen e fundit të rasteve me COVID-19 në të njëjtin rajon dhe as nuk lidhet me rastet e njësisë së kujdesit intensiv.
Ekspertët shëndetësorë nuk e kanë zbuluar ende variantin në vende të tjera dhe Organizata Botërore e Shëndetësisë (OBSH) nuk e ka klasifikuar atë si një variant shqetësues (VOC). /Gazeta Shneta/