Në Qendrën Kryesore të Mjekësisë Familjare në Gjakovë nuk janë kryer punime në vlerë mbi 50 mijë euro prej 802 mijë e 147 euro sa ishte vlera e përgjithshme e projektit për ndërtimin e kësaj qendre të mjekësisë familjare, por të cilat janë nënshkruar si të kryera dhe janë paguar. Por, pavarësisht kësaj Ministria e Shëndetësisë ka ndarë edhe 320 mijë euro për këtë projekt.
Se punët e nënshkruara si të kryera, nuk janë bërë është identifikuar nga Zyra Kombëtare e Auditimit (ZKA) në raportin e audtimit për vitin 2018.
Në projektin e financuar nga Ministria e Shëndetësisë, ndërsa i mbikëqyrur nga Komuna e Gjakovës, sipas ZKA-së janë disa pozicione të cilat nuk janë përfunduar po të cilat janë paguar si, punët e zdrukthëtarisë, ku përfshiheshin vendosja e dyerve të dimensioneve të ndryshme. Për vendosjen e këtyre dyerve janë paguar 31, 767 euro.
Pozicioni tjetër që do të duhej të kryhej ishte ai për ngrohje dhe klimatizim i cili ka kushtuar 9, 027 euro.
Për pozicioni e ventilimit sipas raportit janë paguar 1947, ndërsa për detektor multi kriteria i tymit dhe i temperaturës që ishin paraparë të vendosen 43 copë 1, 268 euro. Po ashtu, pozicioni i fundit që nuk ishte përfunduar kishte kushtuar gjithsej 7, 139 euro në të cilin përfshiheshin punët e instalimeve elektrike.
Shkrimin e plotë mund ta lexoni në Ndërtimi.info