Dehidratimi shpesh neglizhohet si problem shëndetësor, por ekspertët paralajmërojnë se edhe mungesa e lehtë e ujit në trup mund të ketë pasoja të dukshme në funksionimin e përditshëm. Trupi i njeriut përbëhet kryesisht nga ujë dhe çdo deficit ndikon menjëherë në sistemet kryesore.
Sipas një studimi të publikuar, edhe një rënie prej 1–2 për qind e nivelit të ujit në trup shoqërohet me ulje të përqendrimit, lodhje mendore dhe reagim më të ngadalshëm, shkruan European Journal of Nutrition, transmeton Gazeta Shneta.
Truri është veçanërisht i ndjeshëm ndaj dehidratimit, pasi uji është thelbësor për transmetimin e impulseve nervore dhe rregullimin e temperaturës trupore.
Simptomat më të zakonshme përfshijnë dhimbje koke, nervozë, marramendje dhe rënie të energjisë fizike.
Ekspertët rekomandojnë konsum të rregullt të ujit gjatë gjithë ditës, jo vetëm kur shfaqet etja. /Gazeta Shneta/