Deputetja nga Aleanca për Ardhmërin e Kosovës, Time Kadrijaj, e ka uruar Kryeministrin, Albin Kurti, për siç thotë ajo, “detyrën e re si Ministër i Shëndetësisë”.
Një “urim” i tillë vjen vetëm një ditë pasi formimit të Komisionit Ezekutiv për Shëndetësi, i cili do të udhëhiqet nga Kryeministri Kurti.
“Urime kryeministër edhe detyra e re si ministër i Shëndetësisë. Duke dashtë t’i mbuloni të gjitha ato dështime që po ndodhin po formoni komisione ekzekutive dhe tashmë gjithë këto detyra edhe me dialogun të cilin po e injoroni dhe s’po vini të raportoni në kuvend, se di si do të ndodhë tash që ke edhe një përgjegjësi të re, a do mund t’i menaxhosh punët”, u shpreh ajo gjatë seancës në Kuvendin e Kosovës.
Deputetja gjithashtu ia kujtoi Kurtit deklaratat e tij ndaj pushtetit gjatë kohës sa ka qenë në opozitë në lidhje me përdorimin e veturave luksoze e pushimet luksoze.
“Sot po vozitesh edhe me te vetura të zeza dhe me shofera, edhe pse po shpenzon qindra mijëra duke shkuar dhe shëtitur në ShBA e Greqi me nga dy tri javë dhe ke injoruar kërkesat e drejta të grevistëve, ulu e mos e përçajë popullin e mos përçajë arsimtarët, prindërit e nxënësit”, u shpreh ajo.
Gjatë mbledhjes së Qeverisë, të mërkurën, është formuar Komisioni Ekzekutiv për Shëndetësi.
Sipas burimeve të Gazetës Shneta anëtarë të këtij komisioni do të jenë, Ministri i Shëndetësisë, Rifat Latifi, zëvëndësministrja, Dafina Gexha Bunjaku, zëvendësministri Arsim Berisha, Kryesuesja e Bordit Drejtues të Shërbimit Spitalor Klinik Universitar të Kosovës, Aida Rexhepi, UD. drejtoresha e ShSKUK-së, Pranvera Zejnullahu – Raci si dhe këshilltari i kryeministrit, Jusuf Ulaj.
Komisioni do të udhëhiqet nga kryeministri, Albin Kurti, dhe takimi i parë është mbajtur dje.
Pas mbledhjes së Qeverisë, të mërkurën, Kryeministri gjatë konferencës për media theksoi se gjendja në shëndetësin publike në nivel vendi është aq e rëndë sa që nuk mund të merret vetëm ministria.
“Unë nuk do të jem ministër i Shëndetësisë, ministër është Rifat Latifi, por gjendja në shëndetësi është aq e rëndë saqë nuk do të mund të merret vetëm ministria me të”, ka thënë Kurti, duke shtuar se është udhëheqës edhe i disa komiteteve të tjera të ngjashme./Gazeta Shneta/
Komisioni Ekzekutiv për Shëndetësi do të ketë këto gjashtë përgjegjësi