Janë dërguar në vetë izolim 13 punonjës shëndetësorë të mjekësisë urgjente në Prishtinë, pasi patën kontakt me pacientin që ndërroi jetë në orët e hershme të mëngjesit të sotëm.
Këtë informatë e ka dhënë për Express, Drejtori i Shëndetësisë në Prishtinë, Bujar Gashi. Ndërkohë në Prishtinë janë 19 persona që kanë rezultuar si të infektuar me koronavirus raporton GazetaExpress, transmeton GazetaShneta.
“Janë 13 punëtorë shëndetësor të mjekësisë urgjente janë dërguar në vetizolim që të gjithë ata kanë pasur kontakt me personin tashmë të ndjerë në Prishtinë”, ka deklaruar Gashi për Express.
Tutje ai ka dhënë detaje rreth masave që i ka marrë komuna e Prishtinës për mbrojtje nga koronavirusi
“Ne ngushëllojmë për vdekjen e pacientit në Prishtinë. gjendja momentalisht sa i përket qytetarëve të infektuar me Covid 19 në komunën e Prishtinës, rezulton të jetë stabile. Ne jemi duke punuar 24 orë në 7 ditë të javës për t’u dalë në ndihmë qytetarëve. Të gjithë pacientët na komuna e Prishtinës që janë 19 persona si të prekur me Covid-19 janë në gjendje stabile.”, ka deklaruar Gashi.
Ai ka deklaruar po ashtu se Komuna e Prishtinës në bashkëpunim me kryetarin e komunës është marrë vendim për mbylljen e shesheve për qarkullim për qytetarët.
“Të gjitha vendimet që merren nga ana e kryetarit diskutohen edhe me drejtorinë për Shëndetësi. Janë marrë masat për kufizimin e lëvizjes në sheshin kryesor të Prishtinës. Kemi konsideruar se kjo gjë në masë të madhë do të ndohmojë në parandalimin e përhapjes së Covid 19 në Prishtinë”, sqaron Gashi./GazetaExpress