Deri të premten mot pranveror, të shtunën rikthehet bora

2017-02-22 në ora 19:28

Moti në Kosovë gjatë javës do të jetë me ndryshime drastike.

Meteorologët kanë parashikuar që deri të premten të jetë mot pranveror ku temperaturat do të shkojnë deri në 14 gradë. Por nga ky mot i mirë temperaturat do të ndërrojnë në mënyrë drastike në ditën e shtunë.

Meteorologët kanë parashikuar rënie të temperaturave dhe reshje të lehta të borës. Temperaturat të shtunën do të jenë nga -3 deri në +4.

Ndryshimi drastik i motit do të vijoj edhe pas të shtunës pasi që të dielën pritet të ketë ngritje të temperaturave deri në 10 gradë.

Me mot pranveror do të fillojë edhe java e ardhshme ku temperaturat të hënën dhe të martën do të arrijnë deri në 14 gradë.

Ky mot me ndryshime të mëdha të temperaturave mund të jetë virusal dhe i rrezikshëm për shëndetin.