Dermatologia e njohur Dr. Laura Pajaziti ka dhënë sot dorëheqje nga puna në Klinikën e Dermatovenerologjisë në QKUK.
Dr. Laura Pajaziti specialiste e dermatovenerologjisë nga sot nuk do të jetë më pjesë e Klinikës së Dermatovenerologjisë në Qendrën Klinike Universitare të Kosovës, shkruan Gazeta Shneta.
Pajaziti sot është përshëndetur me kolegët e klinikës ku ka punuar për shumë vite.
Pajaziti ka mbaruar studimet në Fakultetin e Mjekësisë në Prishtinë ndëra ka qenë në trajnime të vazhdueshme jashtë vendit në Universitetin e Vienës, Universitetin e Münster në Gjermani dhe në trajnime të përkohshme në Itali.
Dr.Laura Pajaziti ka qenë gjithashtu për shumë vite e angazhuar si staf akademik në Universitetin e Prishtinës ku ka qenë asistente e lëndës së Anatomisë, Histologjisë, Mikrobiologjisë, Dermatovenerologjisë dhe së fundi si profesoreshë e Dermatovenerologjisë në Kolegjin AAB.
Tashmë veprimtarinë e saj profesionale do të vazhdojë vetëm në institucion privat.
