Qindra udhëtarë shqiptarë do të marrin rrugën e kthimit nesër nga Dubai për në vendlindjet e tyre në Shqipëri dhe Kosovë.
Një aeroplan me 136 persona në bord, rreth gjysma prej tyre shtetas të Kosovës, do të ateroj në aeroportin e Rinasit në Tiranë, shkruan Gazeta Shneta.
Kjo është konfirmuar edhe nga dy ambasadat në Emiratet e Bashkuara Arabe, ajo e Kosovës dhe Shqipërisë. Fluturimi është i planifikuar për shtetasit që dëshirojnë të kthehen për shkak të pandemisë Covid-19.
Për kthimin e këtyre qytetarëve është e njoftuar edhe Qendra Operative në Qendrën Studentore në Prishtinë e cila është shndërruar në karantinë për të riatdhesuarit. Por shefi i kësaj qendre nuk e di nëse udhëtarët do të vendosen në karantinë.
“Udhëtarët do të kthehen në Tiranë dhe transportin e tyre deri në Prishtinë e ka përsipër FSK-ja. Nuk e dimë nëse do të vendosen në karantinë apo do të vetkarantinohen. Kjo varet nëse janë testuar në Dubai dhe këtë e vërtetojnë kur të vijnë në Kosovë dhe të kontrollohen nga ekipet mjekësore në kufi. Këto ekipe do të vendosin për karantimin apo jo sipas udhëzimeve të Institutit Kombëtar”, ka deklaruar Dr. Valdet Hashani.
Ai ka thënë se përveç udhëtarëve nga Dubai, janë të njoftuar edhe për një aeroplan nga Franca por nuk e din orën se kur do të mbërrijnë. /Gazeta Shneta/