Studiuesit thonë se nivelet e larta të mikronutrientëve si vitamina C, karotenoidet dhe flavonoidet janë treguar se reduktojnë stresin oksidativ dhe pengojnë inflamacionin.
Ngrënia e shumë frutave zvogëlon rrezikun e depresionit në jetën e mëvonshme, sipas një studimi të ri. Studimi 20-vjeçar që përfshinte më shumë se 13,000 pjesëmarrës tregoi se konsumi më i lartë i frutave – përfshirë portokallet, mandarinat dhe bananet – lidhej me shanse më të ulëta të simptomave depresive në pleqëri, raporton Express.co.uk përcjell Gazeta Shneta.
Ngrënia e të paktën tre porcioneve me fruta në ditë në moshën e mesme zvogëlon gjasat e depresionit të lidhur me plakjen me të paktën 21% krahasuar me ngrënien e një ose më pak frutash në ditë, thonë shkencëtarët.
Mjekët në mbarë botën kanë vërejtur një prevalencë të shtuar të simptomave depresive tek të moshuarit – duke përfshirë ndjenjat depresive, mungesën e kënaqësisë dhe përpunimin e vonuar njohës – shpesh të shoqëruar me humbje oreksi, pagjumësi, përqendrim të dobët dhe lodhje të shtuar pasi njerëzit jetojnë më gjatë.
Ata thonë se kjo është e lidhur me ndryshimet themelore neurodegjenerative në tru që lidhen me plakjen.
Studiuesit analizuan gjithsej 14 fruta që haheshin më së shpeshti në Singapor dhe zbuluan se konsumimi i shumicës së frutave – përfshirë portokallet, mandarinat, bananet, papajat, shalqinjtë, mollët dhe pjeprin – lidhej me gjasat e reduktuara të depresionit.
Ata thonë se nivelet e larta të antioksidantëve dhe mikronutrientëve anti-inflamatorë në fruta – si vitamina C, karotenoidet dhe flavonoidet – të cilat janë treguar se reduktojnë stresin oksidativ dhe pengojnë proceset inflamatore në trup, mund të ndikojnë në zhvillimin e depresionit.
Por konsumimi i perimeve nuk kishte asnjë lidhje me gjasat e simptomave të depresionit. Studiuesit thonë se gjetjet e tyre, të botuara në “Journal of Nutrition, Health and Ageing”, ofrojnë “pasqyrë të vlefshme” në përfitimet e mundshme të ngrënies së frutave të mjaftueshëm në zbutjen e simptomave të depresionit më vonë në jetë. /Gazeta Shneta/