Një studim i fundit nga Stanford Medicine ka zbuluar se një dietë ketogjenike, e përbërë prej ushqimeve me pak karbohidrate dhe me yndyrë të lartë, mund të ndihmojë në lehtësimin e simptomave të sëmundjeve serioze mendore si skizofrenia dhe çrregullimi bipolar.
Në provën klinike të kryer me 23 pacientë, pjesëmarrësit që ndoqën këtë dietë raportuan një përmirësim klinik në simptomat e tyre psikiatrike pas katër muajsh, shkruan Washington Post, transmeton Gazeta Shneta.
Ky zbulim është thelbësor për pacientët me sëmundje mendore të rënda, pasi ilaçet tradicionale mund të shoqërohen me efekte anësore të mëdha metabolike.
Për shumë prej tyre, kjo dietë mund të jetë një alternativë e mundshme për të zvogëluar shtimin në peshë dhe për të lehtësuar efektet anësore të ilaçeve.
Megjithëse studimi ishte i vogël dhe i shkurtër, kërkime të mëtejshme do të ndihmojnë në përcaktimin e afteve të vërteta të kësaj diete në trajtimin e sëmundjeve mendore.
Gjithsesi, gjetjet e tij përkrahin lidhjen e njohur midis shëndetit të trurit dhe dietës, duke shtuar një dimension të ri në mënyrat se si mund të trajtohet dhe menaxhohet kjo kategori e sëmundjeve./Gazeta Shneta/