Një studim i ri i botuar në revistën “Nutrients”, vlerësoi se si dieta klasike mesdhetare, e plotësuar me qumësht, djathë dhe kos, mund të ndikojë në mikrobiomën e zorrëve.
Pjesëmarrësit e hulumtimit në rrezik të sëmundjeve të zemrës që ndoqën dietën për një periudhë tetë-javore treguan një rritje të konsiderueshme të mikrobeve të dobishme të lidhura me efekte pozitive në shëndetin e përgjithshëm të zorrëve, së bashku me një ulje të njëkohshme të baktereve të këqija të lidhura me rrezikun e sëmundjeve të zemrës, shkruan Medical Xpress përcjell Gazeta Shneta.
Studiuesja kryesore, Dr. Karen Murphy thotë se mikrobiota e zorrëve luan një rol të rëndësishëm në aspekte të shumta të shëndetit.
“Dieta mesdhetare ka ushqime dhe lëndë ushqyese kyçe si fibra, yndyrna të shëndetshme, vitamina dhe aminoacide, të cilat të gjitha mund të ndihmojnë në përmirësimin e mjedisit të zorrëve”, thotë Dr. Murphy.
“Ky hulumtim tregon se një dietë mesdhetare, e plotësuar me ushqime shtesë të qumështit për të përmbushur udhëzimet australiane të kalciumit, mund të ndihmojë në promovimin e një zorrë të shëndetshme.”
Ky studim mbështet provat aktuale që lidhin një dietë mesdhetare me një nxitje të metabolizmit dhe thekson se ndryshimet pozitive në mikrobet e zorrëve të nxitura nga ky stil i dietës kur pasurohen me produkte qumështi, mund të jenë përgjegjës për përmirësime të mëtejshme të shëndetit kardiometabolik. /Gazeta Shneta/