Dieta mesdhetare ka shumë përfitime të njohura shëndetësore dhe ekspertët ende po mësojnë për përfitimet e këtij modeli dietik.
Njerëzit mund të ndërmarrin hapa të shumëfishtë veprimi për të ndihmuar në uljen e rrezikut të tyre për multimorbiditetin kardiometabolik, shkruan burimi Medical News Today përcjell Gazeta Shneta.
Dieta mesdhetare përqendrohet në ushqime me bazë bimore, përdorë vaj ullirin dhe përfshin shumë fruta, perime dhe proteina.
Ka pasur shumë interes për përfitimet shëndetësore të kësaj diete, veçanërisht kur bëhet fjalë për shëndetin kardiovaskular.
Një studim i kohëve të fundit i botuar në “The Journal of Nutrition”, thekson rolin e dietës mesdhetare në lidhje me rrezikun e sëmundjeve të shumta kardiometabolike, siç janë diabeti i tipit 2 dhe sulmet në zemër.
Studiuesit zbuluan se dieta mesdhetare mund të ulë shanset që dikush të shkojë nga zhvillimi i një sëmundjeje të parë kardiometabolike në multimorbiditetin kardiometabolik.
Multimorbiditeti kardiometabolik i referohet pranisë së disa sëmundjeve ose çrregullimeve kronike që prekin njëkohësisht sistemin kardiovaskular dhe metabolizmin.
Zakonisht përfshin sëmundje të tilla si hipertensioni (tensioni i lartë i gjakut), sëmundjet e zemrës, diabeti tip 2, obeziteti dhe dislipidemia (çrregullime të yndyrave në gjak).
Kombinimi i këtyre sëmundjeve e rrit ndjeshëm rrezikun për komplikacione të rënda shëndetësore, siç janë ataku në zemër, goditja në tru dhe insuficienca kardiake. /Gazeta Shneta/