Proteinat janë thelbësore për funksionimin e trupit, por konsumimi i tyre në sasi të mëdha brenda një vakti mund të shkaktojë efekte anësore të pakëndshme.
Sasia e rekomanduar e proteinave është 0.8 gramë për kilogram të peshës trupore në ditë shkruan burimi Very Well Health përcjell Gazeta Shneta.
“Por kjo sasi është vetëm për mbështetjen e funksioneve bazë të trupit. Nëse ushtroni për 30 minuta në ditë, do të keni nevojë për më shumë proteina,” shpjegon Dr. Traci McCarthy nga Universiteti i Nju Jorkut.
Disa njerëz përpiqen të konsumojnë një sasi të madhe proteinash në një vakt ushqyes për të arritur synimet ditore, por kjo nuk është mënyra më e mirë.
Sipas McCarthy, një person që peshon rreth 68 kg ka nevojë për 80 deri në 160 gramë proteina në ditë, në varësi të aktivitetit fizik dhe objektivave të tij.
Konsumimi i tepruar i proteinave në një vakt mund të çojë në:
Probleme me tretjen – si kapsllëk, dhimbje stomaku dhe të përziera.
Dehidrim – për shkak të punës së shtuar të veshkave dhe mëlçisë për të metabolizuar proteinat, çka rrit urinimin.
Shtim në peshë – kaloritë e tepërta nga proteinat mund të ruhen si yndyrë në vend që të përdoren për ndërtimin e muskujve.
Nëse po përpiqeni të rrisni marrjen e proteinave për ndërtimin e muskujve, është e rëndësishme të konsultoheni me një dietolog ose mjek përpara se të bëni ndryshime drastike në dietë. /Gazeta Shneta/