Në Klinikën e Kirurgjisë Plastike, Rekonstruktive dhe Estetike të Qendrës Klinike Universitare të Kosovës, me datën 7 dhe 8 prill do të fillojnë “Ditët e Rekonstruksionit të Gjirit”.
Kështu është bërë e ditur përmes një njoftimi nga ShSKUK.
“Sipas programit operativ, për këto dy ditë do të operohen 6 gra- tek të cilat do të bëhet rekonstruksioni definitiv (akti i dytë i rekonstruksionit të gjirit)”, thuhet në njoftim.
Këto operacione realizohen nga stafi i Klinikës së Kirurgjisë Plastike, me ndihmën e një kompanie gjermane, e cila i ka dhuruar QKUK-së donacion proteza-implante të gjirit përmes z. Erik Vogelenzang, udhëheqës i projektit për mbështetjen e grave me kancer në nivel global./Gazeta Shneta
