Dogana e Kosovës ka njoftuar sot se ka sekuestruar barna të pazhdoganuara në një barnatore në Skenderaj.
Më saktësisht pas pranimit të informatave nga qytetarët, zyrtarët e Doganës kanë kryer një kontrollë në një barnatore, ku kanë zbuluar sasi të konsiderushme të barnave pa banderola, përcjell Gazeta Shneta.
Ndër të tjera, Dogana e Kosovës, ka njoftuar qytetarët se ka filluar procedura kundërvajtëse ndaj personit përgjegjës.
Në njoftimin e dhënë, Dogana ka lëshuar një informatë të rëndësishme për qytetarët në rast se hasin përsëri me ngjarje të tilla se mund t’i raportojnë edhe përmes kësaj forme:
“Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi”. /Gazeta Shneta/