Dozën e tret të vaksinës kundër coronavirusit nga sot e tutje mund të marrin edhe grupmoshat mbi 12 vjeç.
“Ministria e Shëndetësisë ka aprovuar ditë më parë dhënien e dozës së tretë të vaksinës kundër COVID-19 edhe për grup-moshën 12 + vjeçare, për personat të cilët kanë mërrë dozën e dytë të vaksinës kundër COVID-19 së paku pesë muaj më pare”, thuhet në njoftimin e ministrisë.
Vaksinimim kundër SARS-CoV-2 vazhdon të ofrohet në njësitë e vaksinimit kuadër të Kujdesit Parësor Shëndetësor në të gjitha komunat në vend.
MSh u bënë thirrje të gjithë qytetarëve të vaksinohen kundër coronavirusit “vaksinimi është dëshmuar të jetë mënyra më e mirë dhe më efikase për të parandaluar infeksionin nga COVID-19, format e rënda të sëmundjes dhe vdekjet nga COVID-19”.
Aktualisht në nivel vendi janë 270 raste aktive me coronavirus.
Imunizimi në Kosovë ka filluar më 29 mars 2021, për më tepër se një vit në nivel vendi janë administruar mbi 1,8 milion doza të vaksinave. /Gazeta Shneta/