Dr. Bajram Bajgora është shkarkuar nga pozita e drejtorit të Qendra Kryesore e Mjekësisë Familjare në Podujevë.
Kështu bëri të ditur vetë ai, duke njoftuar se është shkarkuar nga detyra me vendim të ushtrueses së detyrës së drejtoreshës së Drejtorisë së Shëndetësisë dhe Mirëqenies Sociale në Podujevë, Lirie Hoti.
Në reagimin e tij publik, Dr. Bajgora ka falënderuar stafin shëndetësor dhe qytetarët për bashkëpunimin gjatë periudhës sa ka udhëhequr institucionin, duke thënë se puna dhe përkushtimi i ekipit kanë qenë në funksion të përmirësimit të shërbimeve për pacientët.
Bajgora po ashtu është shprehur se do të vazhdojë angazhimin e tij profesional në sektorin e shëndetësisë.
Ndërkohë, deri tani nuk janë bërë publike detaje të plota lidhur me arsyet e shkarkimit të tij nga pozita e drejtorit të QKMF-së në Podujevë.