Në një takim të mbajtur nga Komiteti për Traumë i Kolegjit të Kirurgëve të Kosovës, u zyrtarizua emërimi i Dr. Baton Kelmendit si kryetar i ri i këtij komiteti.
Takimi shënoi ndërrimin e udhëheqjes, ku morën pjesë figura të njohura të mjekësisë si:
– Dr. Shqiptar Demaçi – kryetari në largim;
– Dr. Sali Grajçevc i- anëtar i komitetit;
– Dr. Sadik Llullaku – Drejtor Ekzekutiv i Kolegjit të Kirurgëve të Kosovës;
– Dr. Mentor Ahmeti – anëtari ndërkombëtar nga SHBA, përcjell Gazeta Shneta.
Me këtë rast, Dr. Llullaku vlerësoi kontributin e jashtëzakonshëm të Dr. Demaçit për ngritjen dhe konsolidimin e punës së Komitetit për Traumë, një strukturë me rëndësi kyçe në fushën e kujdesit mjekësor në Kosovë
Gjatë takimit u diskutuan prioritetet e komitetit për vitin e ardhshëm, ku u konfirmua organizimi i të paktën dy kurseve ATLS (Advanced Trauma Life Support) dhe aktivitete të tjera të reja që do të publikohen së shpejti.
Komiteti për Traumë është i angazhuar në zhvillimin dhe zbatimin e programeve për parandalimin e lëndimeve dhe sigurimin e rezultateve optimale për pacientët, përmes:
– Edukimit;
– Avokimit;
– Krijimit të praktikave më të mira;
– Përmirësimit të vazhdueshëm të cilësisë.
Emërimi i Dr. Baton Kelmendit pritet të sjellë një vizion të ri për zhvillimin e mëtejshëm të këtij komiteti të rëndësishëm./ Gazeta Shneta/