Një studim i ri sugjeron se konsumimi i pijeve me kakao mund të ndihmojë në lehtësimin e stresit dhe të reduktojë ndikimin negativ të ushqimeve të yndyrshme që shumë prej nesh zgjedhim në momente stresi.
Stresi ndikon në trup duke shkaktuar rritje të tensionit të gjakut dhe përkeqësim të funksionit vaskular. Konsumimi i ushqimeve të yndyrshme përpara ose gjatë stresit mund të zgjasë procesin e rikuperimit të trupit pas stresit, shkruan Medical News, transmeton Gazeta Shneta.
Kakaoja përmban flavonoidë, si epicatechini, që ndihmojnë në relaksimin e enëve të gjakut dhe përmirësojnë funksionin vaskular. Ky përbërës ndihmon në uljen e tensionit të gjakut dhe në rivendosjen më të shpejtë të ekuilibrit fiziologjik pas stresit.
Hulumtuesit nga Universiteti i Birminghamit në Mbretërinë e Bashkuar zbuluan se:
- Ushqimet e yndyrshme, të konsumuara gjatë stresit, ndikojnë negativisht në funksionin vaskular dhe oksigjenimin e korteksit.
- Kakaoja mund të mbrojë funksionin vaskular nga këto efekte të përkohshme të stresit, duke përmirësuar rikuperimin e trupit.
Konsumimi i kakaos në kohë stresi mund të:
- Përmirësojë funksionin e enëve të gjakut.
- Ulë tensionin e gjakut.
- Ndihmojë trupin të rikuperohet më shpejt nga stresi, pavarësisht konsumimit të ushqimeve të yndyrshme.
Ky studim, i publikuar në revistën Food & Function, thekson rolin pozitiv të kakaos si një alternativë e shëndetshme për të përballuar efektet e stresit dhe ushqimeve të yndyrshme./ Gazeta Shneta/