Drejtoresha e Klinikës së Endokrinologjisë, Dr. Merita Emini-Sadiku, ka paralajmëruar qytetarët, veçanërisht të rinjtë dhe të rejat me obezitet, për përdorimin e paautorizuar të Liotironinës (T3/Tiromel) për humbje peshe.
Në një postim në Facebook ajo shpjegon se ky hormon tiroidien sintetik nuk është i miratuar për menaxhimin e obezitetit dhe përdorimi i tij mund të shkaktojë probleme serioze shëndetësore, përfshirë aritmi, humbje të masës muskulore, osteoporozë dhe shqetësime të tjera kardiake, transmeton Gazeta Shneta.
Dr. Emini-Sadiku thekson se humbja e peshës nga Liotironina nuk është rezultat i djegies së yndyrës në mënyrë të shëndetshme, por më shumë pasojë e dehidrimit dhe shkatërrimit të masës muskulore, ndërsa pas ndërprerjes shpesh ndodh rikthim i shpejtë i peshës./Gazeta Shneta/
Postimi i plotë:
Liotironina, T3 ose Tiromel është hormon tiroidien sintetik dhe nuk duhet të përdoret për ulje peshe, sepse:
Nuk është i miratuar në Udhërrëfyesit klinike për menaxhimin e obezitetit.Mund të shkaktojë hipertiroidizëm iatrogjen (palpitacione, aritmi, ankth, insomni, humbje të masës muskulore).Rrit rrezikun për osteoporozë dhe probleme kardiake (aritmi por edhe insufiçiencë kardiake).Humbja e peshës që ndodh nga përdorimi i saj është më shumë nga shkatërrimi i masës muskulore dhe dehidrimi, jo nga djegia e yndyrës në mënyrë të shëndetshme.Pas ndërprerjes, shpesh ndodh rikthim i shpejtë i peshës. Në udhëzimet ndërkombëtare (p.sh. Endocrine Society, ADA, AACE/ACE), trajtimi i obezitetit bazohet në:Ndryshimin e stilit të jetës (ushqim i shëndetshëm dhe aktivitet fizik).Përdorimin e terapisë farmakologjike të aprovuar për obezitet (p.sh. orlistat, liraglutide, semaglutide, tirzepatide etj).Kirurgjia bariatrike, në raste të veçanta