Qendra për Kontrollin dhe Parandalimin e Sëmundjeve (CDC), ka rekomanduar injeksione përforcuese të vaksinës Pfizer për njerëzit e moshës 65 vjeç e sipër, banorët në objektet e kujdesit afatgjatë, dhe të gjithë personat që kanë kushte themelore mjekësore ose punojnë në mjedise me rrezik të lartë.
Drejtoresha e CDC-së, doli kundër votës së panelit të saj këshillues duke përfshirë punëtorët e vijës së parë në promovimin e marrjes së dozës së tretë përforcuese shkruan Very Well Health përcjell Gazeta Shneta.
Punonjësit e kujdesit shëndetësor e mirëpritën këtë vendim dhe theksuan nevojën për mbrojtje shtesë në mesin e pacientëve me COVID.
Në një lëvizje të rrallë, drejtoresha e Qendrave për Kontrollin dhe Parandalimin e Sëmundjeve (CDC), të premten anuloi rekomandimin e një paneli këshillues – për të përfshirë kështu edhe punëtorët e vijës së parë të frontit në marrjen e vaksinës përforcuese Pfizer.
“Është puna ime të njoh se ku veprimet tona mund të kenë ndikimin më të madh,” tha drejtoresha e CDC-së, Dr. Rochelle P. Walensky, në një deklaratë për shtyp.
Sipas përcaktimit të ri, CDC tani rekomandon një dozë të tretë të vaksinës Pfizer për njerëzit mbi 65 vjeç, banorët në objektet e kujdesit afatgjatë, të gjithë personat që kanë kushte themelore mjekësore dhe ata që janë në rrezik profesional të transmetimit të COVID-19 siç janë punonjësit e kujdesit shëndetësor dhe mësuesit. /Gazeta Shneta/