Stomatologia, Narqize Arënliu Hoxhaj nga sot do të udhëheqë Spitalin Regjional të Prizrenit.
Pozitën si drejtoresh të spitalit ajo e ka cilësuar nder por edhe privilegj.
“Është nder dhe privilegj t’ju shërbej si drejtoresh e spitalit të Prizrenit. Unë me ekipin tim do të synojmë në rritjen e efikasitetit, kënaqshmërisë së pacientit dhe rrjedhimisht përmirësimin e shëndetit”, ka shkruar ajo.
Ajo vlerëson se nën menaxhimin e saj spitali do të ketë stafë të shkëlqyer përmes së cilit do të mundësohet shëndet më i mirë për pacientët.
“Të nderuar qytetarë, nën menxhimin tim, do të jetë stafi i shkëlqyer i spitalit të Prizrenit që do të na mundësoj shëndet më të mirë, kujdes më të mirë dhe jetë më cilësore për pacientët tanë”, është shprehur ajo.
Arënliu-Hoxha ka dal e para në testin me shkrim dhe intervistën me gojë në procesin e rekrutimit ku kanë marr pjesë edhe gjashtë kandidatë të tjerë.
Ish-drejtoresha e Shëndetësisë në komunën e Prizrenit ka dal e para me 81.6 pikë, ndërsa ka lënë pas Liridon Gashin me 75 pikë. Ky i fundit vite më parë ka qenë Shef i Sektorit për Monitorim dhe Vlerësim të Cilësisë në Punë, ndërsa më vonë ishte transferuar në SP Prizren.
Në pozitën e tretë ka mbetur Osman Zhuri me 72,4 pikë, derisa pas tij është Shpend Zajmi me 71 sosh.
Ish-drejtori i Spitalit të Prizrenit Afrim Avdaj ka mbetur i pesti në radhë me 70.8 pikë, ndërsa Mybera Mustafa me 67.6 pikë. Kandidati Feim Mazreku ka munguar në intervistnë me gojë. /Gazeta Shneta/
Narqize Arënliu Hoxhaj është drejtoresha e re e Spitalit të Prizrenit