Mamia e njohur shqiptare Razije Musa ka këshilluar nënat lidhur me pijet energjike në shtatzëni.
Ajo ka rekomanduar që nënat shtatzëna të mos konsumojnë pije energjike në shtatzëni për shkak të kafeinës.
Lexoni postimin e saj të plotë:
JO PIJE ENERGJIKE GJATË SHTATËZANISË, SHUMË PAK KAFE…
Të dashura nana uroj të jeni mirë, tashmë që kam ardhur në Kosovë po e ndiej vetën edhe më afër jush dhe vazhdoj të marr pyetje në baza ditore. Disa nana më kanë pyetur se sa e rrezikshme është të konsumohen pijet energjike në shtatëzani apo sa kafe guxojnë të konsumojnë gjatë kësaj periudhe.
Këshilla ime është që sapo të merni vesh se jeni shtatëzënë të kufizoni sasinë e kafeinës deri në 200 miligramë në ditë.
Nivelet e larta të kafeinës në shtatzëni mund të rezultojnë me probleme të shumta, lindje të një fëmije me peshë të vogël, rritje e rrezikut për abort dhe probleme të tjera të mëvonshme në jetë.
Kafeinë kanë edhe pijet energjike prandaj unë them se ato janë një JO e madhe, nuk duhet konsumuar asnjëherë gjatë shtatëzanisë.
Kryesisht nanat më thonë se konsumojnë pije energjike apo kafe për të rritur nivelin e energjisë sepse ndjehen të lodhura, më poshtë po u’a rradhiti disa nga pijet që ju japin energji dhe ju bëjnë të ndjeheni mirë por edhe do të keni përfitime shëndetësore nga ato.
1 Lëng limoni i bërë në shtëpi me pak sheqer, është i pasur me shumë vitaminë C dhe ju bënë të keni edhe përfitime shëndetësore duke ndikuar kështu në rritje të imunitetit.
2 Smoothie me banane dhe me dredhëza bashkë bëjnë një pije të mirë, bananja njihet si fruti që ndihmon mbajtjen e nivelit normal të hemoglobinës në gjak, burim i mirë i acidit folik, në përmbajtje ka fruktozë dhe glukozë që ju bëjnë të jeni plot energji.Dredhëza ka vitaminë C, potassium dhe acid folik prandaj së bashku janë pije ideale.
3 Mango dhe mollë bëjnë një pije shumë të mirë, prandaj këto mund t’i bëni bashkë dhe të përfitoni një pije që ju jep shumë energji.
4 Jogurti është burim i mirë i laktobacileve që janë bakterie të mira por është edhe pije freskuese që ju bënë të ndjeheni mirë.
5 Caji i ftohtë është mundësi shumë e mirë për të qëndruar të hidratuara dhe për të pasur energji të vazhdueshme.
Ju bëftë mirë.
Me dashuri, Razija