Dy autoambulanca të Qendrës Kryesore të Mjekësisë Familjare të Vushtrrisë do të ndihmojnë të lënduarit në Shqipëri nga tërmeti.
Mjekë dhe infermierë kanë shprehur vullnetin për të ndihmuar të lënduarit nga tërmeti i fuqishëm që goditi Shqipërinë ditën e djeshme. Ata kanë kërkuar leje për të udhëtuar për në Shqipëri nga Komuna e Vushtrrisë.
Kuvendi Komunal i kësaj komune ka miratuar kërkesën që dy ekipe të infermierëve të QKMF-së në Vushtrri të japin kontributin vullnetar për të prekurit nga tërmeti në Shqipëri.
Kujtojmë se ditën e djeshme një autoambulancë është dërguar edhe nga Spitali ‘Lindja’ në Prishtinë. /Gazeta Shneta/
