Spitali i Përgjithshëm i Pejës, njofton se sot pasdite janë pranuar dy persona të plagosur me armë zjarri.
Sipas njoftimit zyrtar, njëri nga pacientët, pas trajtimeve fillestare, është transferuar për kujdes të mëtejshëm në Qendrën Klinike Universitare të Kosovës në Prishtinë. Ndërsa, pacienti tjetër vazhdon trajtimin në Spitalin e Përgjithshëm të Pejës, nën kujdesin e stafit mjekësor.
Spitali thekson se mjekët po bëjnë çdo përpjekje të mundshme për trajtimin e tyre dhe se për çdo zhvillim të ri, do të ketë informim të mëtejshëm për publikun. /Gazeta Shneta/
Gjuajtje me armë pranë Gjykatës në Pejë, lëndohen dy persona