Një studim i ri nga Maastricht University Medical Center në Holandë sugjeron se konsumimi i dy porcioneve kikirikësh në ditë mund të ndihmojë në ruajtjen e shëndetit të trurit tek të moshuarit.
Kjo gjetje vjen në një kohë kur mbi 7 milionë amerikanë jetojnë me Alzheimer në vitin 2025, ndërsa ende nuk ekziston një kurë, duke e bërë stilin e jetesës — përfshirë dietën, një fushë me rëndësi të madhe kërkimore.
Studimi analizoi efektin e kikirikëve të pjekur me mbështjellës të tyre mbi funksionin e trurit. Rezultatet treguan se konsumimi i përditshëm i tyre rriti qarkullimin e gjakut në zona të trurit që lidhen me kujtesën dhe të menduarit, si dhe përmirësoi kujtesën verbale.
Këto ndryshime nuk përbëjnë trajtim për rënien njohëse, por sugjerojnë se kikirikët mund të mbështesin funksionin e trurit në kohë.
Kikirikët janë të pasur me proteina, yndyrna të shëndetshme, polifenole, antioksidantë dhe L-argininë — një aminoacid që ndihmon në rregullimin e rrjedhës së gjakut. Kikirikët e pjekur me mbështjellës të tyre u zgjodhën sepse lëkura e tyre përmban fibra dhe antioksidantë shtesë.
Studimi i botuar në “Clinical Nutrition”, përfshiu 31 të rritur të shëndetshëm të moshës 60–75 vjeç.
Pjesëmarrësit kaluan një fazë kontrolli 16-javore, ku shmangën kikirikët dhe arrat, dhe një fazë testimi ku konsumuan 60 gramë kikirikë të papërpunuar, pa kripë dhe të pjekur me me mbështjellës – çdo ditë. Midis dy fazave pati një pushim 8-javor.
Individët me alergji ndaj kikirikëve, diabetit, sëmundje të zemrës apo gjendje të tjera u përjashtuan për të ruajtur saktësinë e rezultateve.
Studimi tregon se një ndryshim i thjeshtë në dietë mund të ketë ndikim pozitiv në shëndetin e trurit tek të moshuarit. /Gazeta Shneta/