Janë dy shtatzëna me COVID 19 të shtrira në Qendrën Klinike Universitare të Kosovës që shumë shpejtë presin të bëhen nëna.
Ditë më parë, drejtori i Klinikës së Gjinekologjisë, Dr. Jakup Ismajli, njoftoi se janë gjithsej tre gra shtatzëna të infektuara me COVID-19, teksa dy janë në javët e fundit të shtatzënisë.
“Janë tri gra shtatzëna të prekura nga koronavirusi, njëra është e hospitalizuar në Klinikën Infektive nga komuna e Vitisë dhe është në javën e 35-të të shtatzënisë. Është shtatzënia e tretë për të dhe dy lindjet e para i ka kryer me operacion cezarian”, u shpreh Islamji, transmeton Gazeta Shneta.
Ai ka thënë se pacientja tjetër është nga Prishtina në javën 36-të, shtatzënia e tretë, dy lindjet e mëhershme i ka pasur normale.
Të dyja këto presin që shumë shpejtë të bëhen nëna në Klinikën e Gjinekologjisë. Kjo e fundit i ka marrë hapat e nevojshëm për të siguruar që nënat dhe stafi të jenë të sigurtë.
Kurse pacientja e tretë me COVID-19 është nga komuna e Shtimes në javën 25-26 dhe është në gjendje stabile.
Kjo klinikë ka ndarë hapësirat e shtatzënave që janë me COVID-19, aty ku do të kryhen edhe lindjet. /Gazeta Shneta/
https://www.facebook.com/325079527828805/videos/230615554968079/