Zyrtarët shëndetësorë kanë thënë se varianti i ri i koronavirusit, Omicron, tani është një nga variantet dominuese në Afrikën e Jugut.
Vetëm në 24 orët e fundit, rreth 8,500 raste të infektimit me Covid janë regjistruar si rezultat i infektimit me variantin Omicron shkruan BBC, transmeton Gazeta Shneta.
Sipas Organizatës Botërore të Shëndetësisë (OBSH), Omicron tani është zbuluar në të paktën 24 vende të botës.
Afrika e Jugut ishte vendi i parë që zbuloi variantin e ri me shumë mutacione.
India, Gana, Arabia Saudite dhe Emiratet e Bashkuara Arabe janë ndër vendet e fundit që kanë konfirmuar rastet e tyre të para të Omicron.
Ndërsa, edhe në Evropë janë regjistruar rastet e para. Vetëm në Angli, janë regjistruar 22 raste të infektimit me variantin Omicron.
OBSH e ka kategorizuar atë si një “variant shqetësues” dhe thotë se provat e hershme sugjerojnë se ka një rrezik më të lartë të ri-infektimit.
Me të kuptuar rrezikshmërinë e tij, shumë vende kufizuan udhëtimet nga Afrika Jugore.
Kjo e shtyu ministrinë e jashtme të Afrikës së Jugut të ankohej se po ndëshkohej, në vend që të duartrokiteshin, për zbulimin e Omicron.
Presidenti i Afrikës së Jugut, Cyril Ramaphosa, tha gjithashtu se ishte “thellësisht i zhgënjyer” nga kufizimet e udhëtimeve, të cilat ai i përshkroi si të pajustifikuara.
Në anën tjetër, edhe shefi i OBSH-së, Tedros Adhanom Ghebreyesus, ka thënë se masat e përgjithshme të Covid po penalizojnë Afrikën Jugore./Gazeta Shneta/