Prokuroria Themelore në Ferizaj, njofton opinionin publik se ka kërkuar nga Gjykata Themelore në Ferizaj, caktimin e masës së paraburgimit ndaj të pandehurit F.M., për shkak të dyshimit të veprës penale “Dhunimi”.
Sipas Prokurorisë, i dyshuari kishte keqtrajtuar një të mitur, 14-vjeçare për mbi një muaj në banesën e tij në Ferizaj.
“Sipas kërkesës së parashtruar nga Prokuroria, ekziston dyshimi i bazuar se nga muaji shtator e deri më datën 27 tetor 2025, rreth orës 02:00, në mesnatë, në Ferizaj, saktësisht në banesën e të pandehurit, i njëjti F.M., në vazhdimësi e ka dhunuar- keqpërdorur seksualisht të dëmtuarën – të miturën e moshës 14 vjeçe, me këtë kishte për të kryer veprën penale në vazhdim “Dhunimi” nga neni 227 paragrafi 6 lidhur me paragrafin 4 nën paragrafi 4.7 lidhur me paragrafin 1 dhe neni 77 të KPRK-së”, thuhet në njoftimin e Prokurorisë.
I pandehuri F.M., që nga data sot, me vendim të Prokurorit të Shtetit gjendet nën masën e ndalimit 48-orësh për veprën penale të lartcekur.
