Në kohën kur shërbimet mjekësore janë modernizuar, janë shtuar mjekët specialistë dhe po mëtohet të ofrohen shërbime më cilësore, në Spitalin e Gjakovës po ndodh e kundërta.
Ky spital pas plot 45 vjetësh ka mbetur pa një specialist oftalmolog, shkruan Gazeta Shneta. Kjo pasi specialisti që mbajti këtë pozitë ka dalë në pension dhe nuk ka tjetër për ta zëvendësuar.
Kjo ka sjell reagim te qytetarët dhe vetë mjekët gjakovarë. Dr. Vigan Roka, në një postim në rrjetet sociale, ka hedhur akuza ndaj institucioneve përgjegjëse për menaxhim të keq.
Sipas tij, tani e tutje qytetarët e Gjakovës edhe për lëndimet më të vogla të syrit duhet t’iu drejtohen spitaleve tjera regjionale si Peja e Gjakova, apo edhe në Prishtinë.
“Pas 43 viteve, sot është dita e parë që në Gjakovë nëse e lëndon syrin, nuk ka kush ta qepë plagën (edhe nëse është më e lehta), sepse dje pas rreth 43 viteve është mbyllur reparti i syve për arsye të mospërtëritjes së stafit me mjekë, pra për arsye të keqmenaxhimit të shëndetësise në nivel të Spitalit si insitucion, të Komunës dhe të Ministrisë, sepse krejt këto institucione udhëheqen prej njerëzve pa vizion e mediokër. Krejt ata njerëz që deri dje i kanë ofendu mjekët e syve dhe kolegët e tjerë në Gjakovë, mirëpo edhe të gjithë banorët e Gjakovës prej sot, nëse e lëndojne syrin dhe iu duhet trajtim kirurgjik i plagës duhet të shkojnë në Pejë, Prizren ose Prishtinë për qepjen e ndonjë plage sado të vogël në sy. Dmth Spitalit të Gjakovës i mbyllen repartet e as Drejtorisë së Spitalit, as Komunës e as Ministrise nuk “i kërset” për atë punë. Ishalla nuk na “kërset” dicka syve se duhet me marrë rrugë për Pejë, Prizren ose Prishtinë.
PS: edhe tri reparte e kanë vetëm nga një mjek/e, pra me kohë fati i njejtë i pret edhe degët tjera”, shkroi Dr. Roka. /Gazeta Shneta/