Një vajzë 13-vjeçare nga Ferizaj është raportuar si person i zhdukur, pas një largimi nga shtëpia që ka ndodhur më 29 qershor 2025, rreth orës 13:00.
Burimet e Sinjalit mësojnë se ankuesi T. Q. ka paraqitur rastin në Polici, duke raportuar zhdukjen e mbesës së tij F.T., e cila kishte dalë nga shtëpia dhe prej asaj kohe nuk dihet asgjë për vendndodhjen e saj.
Ai ka deklaruar se kjo nuk është hera e parë që e mitura largohet, duke përmendur se në rastet e mëparshme ajo ishte keqpërdorur seksualisht dhe i ishin dhënë substanca narkotike, për çka janë të njohura raste edhe më herët nga institucionet e rendit.
Sipas ankuesit, e mitura nuk posedon telefon për të mundur kontaktin dhe përshkruhet si rreth 1.60 cm e gjatë, me flokë ngjyrë gështenjë.
Policia ka nisur hetimet për gjetjen e vajzës dhe ndriçimin e rrethanave që kanë çuar në zhdukjen e saj. Rasti i është referuar njësive kompetente për trajtim të mëtejshëm.