Shënohet dita e dytë që në Shtetet e Bashkuara rritet numri i rasteve ditore me covid-19, sipas të dhënave të fundit nga Universiteti Johns Hopkins.
Ekspertët shëndetësorë kanë paralajmëruar se në vjeshtë do të ketë rritje të lartë të numrit të të infektuarve si pasojë e pranisë së covid-19 shkruan CNN, transmeton GazetaShneta.
Gjatë ditës së djeshme, SHBA-të shënuan mbi 83 mijë raste pozitive, vetëm 39 raste më shumë sesa dita e premte.
Në Maryland, guvernatori paralajmëroi se një ndër arsyjet e rritjes së numri të të infektuarve ishin tubimet familjare.
Ndërkohë, të paktën 35 shtete kanë raportuar më shumë raste pozitive këtë javë, sesa në javët paraprake.
Aktualisht, SHBA-të, që nga fillimi i pandemisë e deri më sot kanë regjistruar më shumë se 8.5 milionë të infektuar dhe mbi 224 mijë viktima si pasojë e covid-19./GazetaShneta/