Në faqen e saj zyrtare, mamia Razije Musa ka ndarë këshillën e radhës për nënat.
Këtë herë, mamia ka treguar disa sugjerime për nënat sesi të pastrohen hundët e bebit në kohën kur viruset janë prezente shkruan GazetaShneta.
Mësoni më shumë rreth komplikimeve gjatë shtatzënisë KËTU
“Nëse nana ja pastron hundët bebes me aspirator, kjo gjë i ndihmon shumë bebes që të ketë frymëmarrje më të lehtë e kështu bën edhe gjumë më të mirë.
Gjithashtu me pastrimin e hundëve me aspirator, beba ka më pak gjasa të fitoj bronhit, duke pas parasysh se ato rrinë shtrirë gjatë gjithë kohës.”, thuhet në njoftimin e saj.
Poashtu, ajo sugjeron që dysheku që bën gjumë bebi të ngrihet në një pjerrtësi prej 30 shkallëve, sepse në këtë formë sekreti do të kaloj poshtë, duke liruar rrugët e frymëmarrjes.
Për këtë metodë, ju mund të vendosni dy peshqira nën dyshek, nga ana e kokës.
“Për lirimin e hundëve të bebes nuk përdoret asgjë tjetër përveçse ujit me kripë deti. Edhe në barnatore gjeni sprej me ujë deti.”
Tutje, ajo tregon se dhoma e bebit tuaj nuk duhet të ketë temperaturë më të lartë se 22 gradë Celsius dhe ajri nuk duhet të jetë i thatë.
“Gjatë gjendjes virusale, bebes nuk i lidhen duart dhe as nuk bën të vendoset në djep. Beba duhet me qenë e lirë dhe të mos kufizohet fizikisht.”, tregon ajo./GazetaShneta/