Ndonjëherë gjërat e mëdha ndodhin në momente të papritura, kështu është historia e zjarrfikësit i quajtur Marc Hadden që iu përgjigj telefonatës urgjente një natë nëntori në vitin 2011, zjarrfikësi nuk kishte as më të voglën ide se ajo që do të ndodhte do të ndryshonte rrënjësisht jetën e familjes së tij.
Marc mbërriti në vendngjarje dhe gjeti një grua gati për të lindur, por koha për ta çuar në spital ishte e pamjaftueshme.
Ai e ndihmoi që nëna të lindë shëndoshë e mirë një vajzë të mrekullueshme, por kur nëna i tha se do ta jepte vajzën për adoptim, Marc dhe gruaja e tij nuk mund ta lejonin diçka të tillë të ndodhte.
Çifti e quajtën vajzën e sapolindur Grace (hiri i Perëndisë) si shenjë e fatit që e solli atë në familjen e tyre. Vetëm brenda 48 orëve, ata i plotësuan të gjitha dokumentet dhe e bënë vajzën pjesë të familjes.
“Meqenëse kishim dy djem, do donim më shumë fëmijë, por pastaj kuptuam se nuk mund të kishim edhe një fëmijë më shumë”, tha Beth për WMBF.
“E kishim në mendje dhe në zemër për vite me radhë për të adoptuar një fëmijë dhe e kishim lënë këtë në dorë të Zotit.
Menduam se nëse ishte e thënë të ndodhte, do të ndodhte…”Dhe ja ku janë të tre bashkë, pas 6-vjetësh… Kush tha që mrekullitë nuk trokasin në derën e atyre që besojnë?!