Lauresha Maliqi, 32-vjeçe nga Gjakova, nuk kishte njoftuar familjen e saj për shtatzëninë. Ndonëse jetonte në shtëpi me ta, ajo kishte arritur ta mbulonte barkun e fryrë. Një ditë para se të lindte, nëna e saj e kuptoi dhe ajo u dërgua në Spitalin e Gjakovës për të kryer lindjen, raporton Gazeta Express.
Foshnja lindi me peshë 3.5 kg, por vetëm një ditë më vonë u privua nga jeta nga nëna e saj. Vëllai i saj ka treguar se ajo ishte kthyer me duart plotë gjak, dhe nuk e dinë se kush është babai.
“Ne nuk e kemi pa foshnjën veç se për gjendjen e saj policia na thënë që e mbytë me gurë ka qenë, se ka pas shenja në trup. Dhe pastaj ajo e kish marrë vajzën dhe e kish varrosë nën gurë”, rrëfejnë nga familja.
“Para 5 vjetëve ajo ka qenë e martuar. Deri dje ajo këtu ka qenë duke jetuar me neve. Na as nuk e kemi ditë që ajo është shtatzënë. Ka qëndru këtu një kat më lartë në shtëpi. Nana ka ardhë dhe më ka tregu që është shtatzëne. Ka lindë, tani e ka qu e ka mbytë. S’do çka ka ndodhë. Ajo ka ardhë në shpi. Na ja kemi pa krejt duart gjak i ka pasë. Foshnjën ajo e ka mbytë dhe e ka lanë aty. Për këtë punë ne po ndihemi shumë keq”, thotë ai me lot në sy.
Mjekët kanë deklaruar se nëna dhe foshnja ishin në gjendje të mirë. Drejtori i Spitalit Ahmet Asllani ka deklaruar se nëna nuk ka dashur ta marr foshnjën, por punëtori social ka arritur ta bindë që ta marr me vete të posalindurin.
Tani rasti po hetohet nga Policia e Kosovës e cila po e cilëson aktin me motive të ulëta.
Shkrimin e plotë mund ta lexoni në Gazeta Express.