Megjithëse deri në moshën dyvjeçare, shumica e fëmijëve mund të flenë rregullisht gjatë të gjithë natës në shtratin e vet, ka disa që nuk e bëjnë këtë.
Edhe fëmijë që më parë kanë fjetur mirë, mund të fillojnë të bëjnë probleme në kohën e gjumit, teksa përpiqen të formojnë identitetin e tyre, shkruan Practical Parenting përcjell Gazeta Shneta.
Po kështu, edhe një fëmijë që bën gjumë të mirë, mund të fillojë të ketë net të trazuara si rrjedhim i mësimit me oturakun ose nga ndonjë ëndërr e herëpashershme.
Frika gjatë natës thjesht mund të pasqyrojë faktin se tani fëmija e kupton botën gjithnjë e më shumë ose mund të nxitet nga ankthe të vërteta në jetën e tij si fillimi i çerdhes ose lindja e një foshnje të re.
Nëse fëmija është duke kaluar një periudhë ndryshimi që mund të jetë shqetësuese pëe të, siguria që i ofroni gjatë ditës e ndihmon shumë që të ketë besim gjatë natës.
Pa e llastuar, përpiquni të kryeni disa aktivitete argëtuese gjatë ditës si shëtitije në park dhe sigurohuni t’i jepni përqafime të shumta.
Për të mësuar më shumë rreth komplikimeve të shtatzënisë KLIKO KËTU.
Ecjet në gjumë
Ecjet në gjumë janë shumë të zakonshme dhe shpesh trashëgohen në familje. Ashtu si trembjet gjatë natës, ecjet në gjumë ndodhin në një të tretën e parë të natës kur fëmija është në gjumë të thellë. Megjithatë, mund të jetë e vështirë të kuptohet nëse ai po ecën vërtet në gjumë apo është zgjuar dhe po vjen rrotull nëpër shtëpi.
Nëse nuk jeni të sigurt shihni se çfarë po bëjnë: ata që ecin në gjumë bëjnë vetëm gjëra të thjeshta, kështu që nëse po bën një varg veprimesh komplekse ndoshta nuk është duke ecur në gjumë.
Mirëpo, nëse jeni të sigurt se fëmija juaj është në gjumë gjatë këtyre ecejakeve të natës, është e rëndësishme që të mos përpiqeni që ta zgjoni.
Në vend të kësaj, drejtojeni ngadalë drejt shtratit mbulojeni dhe i thoni shprehjen e veçantë që i thoni para gjumit, nëse keni një të tillë. /Gazeta Shneta/