Edema nënkupton enjtjen dhe fryerjen e pjesëve të trupit. Zakonisht edema shfaqet në shputa, kyçe dhe këmbë. Ndonjëherë mund t’i prekë edhe fytyrën dhe duart. Gratë shtazëna dhe personat e moshuar preken më së shpeshti nga edema, po ajo mund t’i ndodhë secilit prej nesh.
Simptomat e edemës
Nëse keni shputa, kyçe apo këmbë të enjtura (te cialat nuk janë shkaktuar nga ndonjë lëndim) atëherë ju mund të jeni duke vuajtur nga edema. Të gjitha këto pjesë të trupit tuaj mund të preken nga kjo sëmundje veç e veç apo së bashku njëherazi. Kjo sëmundje shkakton parehati, si dhe limiton lëvizjet e kyçeve të duarve dhe këmbëve.
Çfarë e shkakton edemën?
Edema shkaktohet nga grumbullimi i lëngjeve të tepruara në indet e trupt tuaj. Shumë gjëra mund ta shkaktojnë grumbullimin e lëngjeve të tepruara. Ndonjëherë edhe vetë graviteti ndikon që të grumbullohen lëngjet në këmbët dhe shputat tuaja.
Ulja për kohë të gjatë, gjithashtu mund të jetë shkaktarë i edemës, posaqërisht gjatë kohës së nxehtë. Konsumii i ushqimeve me shumë kripë mund ta përkeqësoj këtë problem.
Edema në disa raste shkaktohet edhe si efekt anësorë i përdorimit të disa ilaçeve.
Problemet si infarktet e zemrës, sëmundjet mëlçise dhe sëmundjet e veshkëve mund ta shkaktojnë edemën. Sëmundja e edemës nuk është ngjitëse dhe nuk është e trashëgueshme nga familja.
Mënyra e vetme për të mjekuar edemën është duke e trajtuar shkaktarin e saj. Mjeku mund të iu përshkruaj ilaçe diuretike, të cilat ndryshe njihen edhe si pilula të ujit të cilat mundësojnë largimin e kripërave dhe lëngjeve të tepërta nga trupi juaj përmes urinës.
Ju duhet patjetër të kontrolloheni te mjeku nëse vuani nga edema, posaçërisht nëse jeni shtatzënë. Nëse nuk trajtohet si sëmundje, atëherë lëkura juaj mund të vazhdoj të zgjerohet dhe kjo shkakton shumë probleme të tjera shëndetsore. Nëse ju vuani nga edema dhe keni filluar të keni probleme në frymëmarrje, bisedoni me mjekun tuaj urgjentisht.