Një 25-vjeçar në Nevada të SHBA-së është infektuar dy herë me Covid-19 brenda vetëm 48 ditësh.
Raportohet se herën e dytë pacienti është goditur më keq nga virusi, sesa herën e parë, duke u hospitalizuar me mbështetje me oksigjen, shkruan arstechnica.com, transmeton Gazeta Shneta.
Këto të dhëna janë të bazuara në një studim i cili është udhëhequr nga hulumtuesit e Universitetit të Nevadas dhe është publikuar online, por i njëjti ende nuk është publikuar në ndonjë nga revistat shkencore.
Megjithatë rasti ka tërhequr vëmendjen e shkencëtarëve, të cilët janë duke ekzaminuar të dhënat e publikuara në hulumtim.
Ri infektimi me Covid nuk ka qenë befasi për shkencëtarët dhe as ndonjë shqetësim i madh, pasi disa persona mund të krijojnë imunitet më të fort e disa të tjerë më të dobët. Deri më tani raste të ri infektimit janë raportuar në Hong Kong, Belgjikë dhe Holandë. /Gazeta Shneta/