Kryeministri i Shqipërisë, Edi Rama, ka thënë se prej janarit të këtij viti, mbi 140 mjekë specialistë i janë shtuar ekipeve mjekësore në spitalet e Shqipërisë.
Rama ka bërë të ditur se pjesë e skuadrës prej 314 mjekëve të rinj, janë studentët e shkëlqyer të Universitetit të Mjekësisë.
“MIRËMËNGJES dhe me lajmin e mirë se prej janarit të këtij viti, mbi 140 mjekë specialistë i janë shtuar ekipeve mjekësore në spitalet tona, pjesë e skuadrës prej 314 mjekëve të rinj, studente e studentë të shkëlqyer të Universitetit të Mjekësisë, që me gatishmëri e përkushtim janë punësuar këtë vit në qendra shëndetësore dhe spitale nga veriu në jug, ju uroj një ditë të mbarë”, ka shkruar Rama në Facebook. /Gazeta Shneta/