Efektiviteti i vaksinës Pfizer/BioNTech kundër COVID-19 bie më shpejt se ai i vaksinës AstraZeneca, sipas një studimi të ri të botuar këtë të enjte.
“Dy doza të vaksinës Pfizer/BioNTech kanë efektshmëri më të madhe fillestare kundër infeksioneve të reja COVID-19, por kjo zvogëlohet më shpejt në krahasim me dy doza të Oxford/AstraZeneca,” thanë studiuesit në Universitetin e Oksfordit, shkruan MedicalxPress përcjell Gazeta Shneta.
Studimi i cili nuk është rishikuar nga kolegët, bazohet në rezultatet e një sondazhi nga Zyra Britanike për Statistikat Kombëtare që kreu teste PCR që nga dhjetori i vitit të kaluar deri në këtë muaj në familje të zgjedhura në mënyrë rastësore.
U zbulua se “dinamika e imunitetit pas dozave të dyta ndryshonte ndjeshëm”, midis Pfizer dhe AstraZeneca, sipas Departamentit të Mjekësisë të Universiteti Nuffield.
Vaksina Pfizer kishte “efektivitet më të madh fillestar”, por pa “rënie më të shpejtë të mbrojtjes kundër ngarkesës virale dhe infeksionit simptomatik”.
“Rezultatet sugjerojnë që pas katër deri në pesë muaj efektiviteti i këtyre dy vaksinave do të ishte i ngjashëm,” shtuan shkencëtarët, ndërsa theksuan se efektet afatgjata duhet të studiohen.
Gjetjet e studimit vijnë ndërsa Izraeli po administron dozën përforcuese, pasi i dha 58 përqind të popullsisë dy doza të vaksinës Pfizer.
Shtetet e Bashkuara gjithashtu do të ofrojnë dozën e tretë përforcuese për të rritur nivelet e antitrupave pas shqetësimeve mbi rënien e efektivitetit të vaksinave Pfizer dhe Moderna.
Hulumtimi i Oksfordit gjithashtu zbuloi se mbrojtja ishte më e lartë tek ata që tashmë ishin infektuar me virusin.
Vaksina AstraZeneca është më e përdorura në Mbretërinë e Bashkuar, ndërsa atyre nën 40 vjeç u ofrohet Pfizer ose Moderna për shkak të shqetësimeve të koagulimit të gjakut. /Gazeta Shneta/