Një ekip i mjekëve nën udhëheqjen e kardiologut të njohur në SHBA, Sylejman Çelaj, kanë trajnuar 400 nxënës në Kosovë me njohuri bazike për dhënien e ndihmës së parë.
Ekipi i mjekëve i ardhur nga SHBA përmes organizimit të Shoqatës së Mjekëve Shqiptaro-Amerikan, kanë mbajtur trajnimin në bashkëpunim me mjekët e Forcës së Sigurisë së Kosovës.
Për kontributin e mjekëve, ministri i Mbrojtjes Armend Mehaj ka ndarë mirënjohje dhe ka thënë se ky aktivitet do të përsëritet.
“Mirënjohje e veçantë mjekëve shqiptaro-amerikan dhe miqve ndërkombëtarë të cilët në bashkëpunim me stafin mjekësor të Regjimentit tonë të Mjekësisë si dhe Kompaninë për Operacione Civile, realizuan projektin “Fëmijët shpëtojnë jetë”, krahas dhurimit të donacionit me pajisje shumë të nevojshme në vlerë rreth 50 mijê dollar”.
“Së bashku me Gjeneral Hazirin, përveç mirënjohjes maksimale për mjekët , me Dr. Sylejman Qelaj dhe ekipin e tij, u akorduam që projekti i ngjashëm të vazhdoj edhe viteve të ardhshme, gjithnjë në funksion të vetëdijësimit dhe aftësimit për reagim në rast të situatave të papritura për rastet në nevojë dhe fatkeqësive të mundshme”, ka shkruar Mehaj. /Gazeta Shneta/
