Ekspertët francezë kanë rekomanduar udhëzime të reja për përdorimin e telefonave inteligjentë nga fëmijët. Sipas raportit të porositur nga presidenti Emmanuel Macron, fëmijët nuk duhet të lejohen të përdorin telefonat inteligjentë para moshës 13 vjeç dhe duhet të ndalohen nga mediat sociale konvencionale si TikTok, Instagram dhe Snapchat deri në moshën 18 vjeçare.
Presidenti Macron kërkonte propozime për të kufizuar ndikimin negativ të teknologjisë në fëmijë. Raporti vë në pah qasjen strategjike të industrisë teknologjike për të tërhequr vëmendjen e fëmijëve dhe përfitimin financiar nga ky treg, shkruan The Guardian, transmeton Gazeta Shneta.
Në raport thuhet se fëmijët po bëhen “mall” për këtë industrijë dhe autoritetet duhet të ndërhyjnë për të mbrojtur fëmijët nga këto praktika.
Një studim i kryer nga ekspertë dhe shkencëtarë ka sugjeruar që fëmijët nën tre vjeç nuk duhet të ekspozohen ndaj ekraneve video, duke përfshirë televizorin, ndërsa asnjë fëmijë nuk duhet të ketë telefon inteligjent para moshës 13-vjeçare.
Këto udhëzime janë pjesë e një përpjekjeje për të mbrojtur shëndetin dhe zhvillimin e fëmijëve nga ndikimi i dëmshëm i teknologjisë./Gazeta Shneta/