Ka ndërruar jetë profesor dhe Prim.Med.Dr.Sci Ali Iljazi.
Lajmin e ka bërë të ditur, rektori i Universitetit “Fehmi Agani” të Gjakovës, Artan Nimani, shkruan Gazeta Shneta.
“Përmes këtij komunikimi, në emrin tim dhe në emër të Universitetit që drejtoj, shpreh dhimbjen e thellë për ndarjen nga jeta të Prof. Dr. Ali Iljazi , ish – profesorit të Universitetit “Fehmi Agani” Gjakovë. Profesor Iljazi ka dhënë kontribut të jashtëzakonshëm në edukimin e shumë brezave në lëmin e shkencave mjekësore, si në Kosovë, po ashtu dhe në trojet etnike shqiptare.
Prof. Dr. Ali Iljazi, ishte dekani i parë i Fakultetit të Mjekësisë në Universitetin “Fehmi Agani” Gjakovë.
Ndaj, sot, ne, stafi i universitetit dhe studentët e profesorit të çmuar, u shprehim ngushëllimet tona më të thella familjes Iljazi, kolegëve dhe gjithë miqve të tij.
Qoftë i përjetshëm kujtimi për profesor Ali Iljazin”. /Gazeta Shneta/
